Blendi Gonxhja: Nëna përgjegjëse për fëmijën që vrau autoambulanca, s’kemi ç’ti bëjmë grekut e virusit

Drejtori i Drejtorisë së Përgjithshme të Shërbimeve të Transportit Rrugor, Blendi Gonxhja në rrjetin social “Facebook” ka reaguar për situatën e krijuar në pikat kufitare me Greqinë.

Ai shkruan se të gjithë ata qytetarë që nuk e kanë këtë udhëtim me ngut, duhet të kthehen në shtëpi. Po ashtu ai sjell në vëmendje edhe ngjarjen tragjike, ku autombulanca përplasi për vdekje një fëmijë.

Lexo edhe: Tragjike në Kakavijë, ambulanca përplas për vdekje fëmijën

“Shteti nuk ia del dot nëse shumica do dasmën, bredhjen, grumbullimet pa protokolle! Apo kur fëmijën 10-vjeç e lë t’i presë rrugën ambulancës, e humb se nuk kujdesesh si prind/përgjegjës për krijesën tënde! Hijenat e korbat po mblidhen rreth e sipër Kakavijës që të shkëlyejnë ç’të dali, por përse të bëhemi pakujdesisht pre e tyre?! Media ka përgjegjësi të informohet saktë e analizojë mirë përpara sesa t’i japi zë një derti të tillë! Shteti shqiptar s’ka asnjë tagër mbi virusin apo mbi fqinjët! Mbro veten, familjen! Nëse nuk ke ngut, kthehu”, shkruan ai.

Lexo edhe: U përplas për vdekje, 10 vjeçari nga Lezha me familjen prej dy ditësh priste në radhë në Kakavijë

Statusi:

Si shumë familje shqiptare, jeta na lidh me Greqinë, kemi mall e nevoja, por kjo pandemi e flamë botërore na ndau gjalli e prishi çdo plan për t’u parë nga afër – ndaj nuk kemi udhëtuar, kemi duruar, sepse ky nuk është moti për të rrezikuar e për të sprovuar fatin!

Lexo edhe: Aksidenti tragjik në Kakavijë bën bujë në mediat greke: Vogëlushi i pafat…

Ky është moti për të lëvizur sa më pak, mundësisht aspak, përveçse për punë, hall, aktivitete të domosdoshme, detyrë a një arsye shumë e fortë!

Çmallemi në internet, mbrohemi, kujdesemi, mirëkuptohemi, duhemi njësoj. Sytë e merakun i kemi te Kakavija, mbrëmë ndamë ushqime, por përse duhej udhëtuar me dhjetra mijëra në këtë kohë pandemie, kur rishkruhen kriteret kufitare çdo javë? Kur s’dimë çfarë na pret?

Kur e dimë që duhet të lëvizim e shpenzojmë sa më pak sepse është jo vetëm krizë shëndetësore por edhe ekonomike! Se do martohemi tani? Apo se do pushojmë në atdhe? Apo se do çmallemi patjetër me përqafim fizik kur mund ta kemi edhe virtual! Përse sot shajme shtetin tonë kur e dinim se as ka gjë në dorë për kushtet e fqinjëve dhe mbi të gjitha kur po e shohim qartë se numrat e infektimeve në Shqipëri rriten pikërisht se ne nuk zbatojmë masat anti-Covid19 dhe se po i bëjmë karshillëk armikut kaq të pabesë!

Ç’faj na kanë grekët nëse ne nuk kujdesemi për veten? Shteti ynë po bën maksimumin të sensibilizojë, disiplinojë, udhëzojë sesi të mos rriten numrat e infeksioneve dhe fataliteteve, por shteti i një vendi nuk është asgjë më shumë se përfaqësimi i koshiencës së atij vendi.

Shteti jemi të gjithë ne bashkë si sjellje. Shteti nuk ia del dot nëse shumica do dasmën, bredhjen, grumbullimet pa protokolle! Apo kur fëmijën 10-vjeç e lë t’i presi rrugën ambulancës, e humb se nuk kujdesesh si prind/përgjegjës për krijesën tënde! Hijenat e korbat po mblidhen rreth e sipër Kakavijës që të shkëlyejnë ç’të dali, por përse të bëhemi pakujdesisht pre e tyre?!

Media ka përgjegjësi të informohet saktë e analizojë mirë përpara sesa t’i japi zë një derti të tillë!

Shteti shqiptar s’ka asnjë tagër mbi virusin apo mbi fqinjët! Mbro veten, familjen! Nëse nuk ke ngut, kthehu!

#MosBjerViktime #MbroVetenDheTjetrin #MinimizoLëvizjen #PolitizimiAktTurpi #DëgjoBurimetZyrtare

/abcnews.al/

Mos rri jashtë: bashkohu me ABC News. Ne jemi kudo!

Blendi Gonxhja: Nëna përgjegjëse për fëmijën që vrau autoambulanca, s’kemi ç’ti bëjmë grekut e virusit

Të ngjashme

Minute pas minute

“Erë tradhtie”, protestë në Sllovaki pas vizitës së kryeministrit Fico në Rusi

“Protesta e PD nuk ka anë e udhë”/ Mahmutaj: Berishës s’i hiqet non grata. Institucionet e drejtësisë të kërkojnë dosjen amerikane

Jeta e shthurur e ish kongresmenit/ Drogë dhe marrëdhënie me të mitura, publikohet raporti për Mat Gaetz

Bora zbardh vendin/ Reshje nga veriu në juglindje, në disa zona qarkullimi vetëm me goma dimërore

Noka grusht efektivit/ Protesta e Berishës, i njëjti skenar. Policia: Gjekmarkaj nuk u dhunua

NASA: Anija kozmike Parker Solar Probe i afrohet Diellit

Zelensky: Bota nuk po bën thuajse asgjë për të ndaluar bashkëpunimin ushtarak të Koresë së Veriut me Rusinë

Tërmet me magnitudë 5.9 ballë në Kuba, nuk raportohen viktima ose dëme serioze