Bjellorusia do të prezantojë një doktrinë të re ushtarake, e cila për herë të parë parashikon përdorimin e armëve bërthamore, sipas një njoftimi nga ministri i Mbrojtjes i Bjellorusisë.
“Ne po shpjegojmë qartë pikëpamjet e Bjellorusisë për përdorimin e armëve bërthamore taktike të vendosura në territorin tonë,” tha Ministri i Mbrojtjes Viktor Krenin në një takim të Këshillit të Sigurimit të Bjellorusisë.
“Ka nisur një kapitull i ri, ku ne përcaktojmë qartë detyrimet ndaj aleatëve tanë”, theksoi Krenin.
Doktrina do t’i paraqitet për miratim Asamblesë Popullore Bjelloruse, një organ përfaqësues që vepron së bashku me Parlamentin e Bjellorusisë.
Bjellorusia, një aleat i ngushtë i Rusisë, kishte armë taktike dhe bërthamore me rreze të gjatë veprimi si pjesë e Bashkimit Sovjetik, të cilat ia transferoi Rusisë pas shpërbërjes së saj.
Rikujtojmë se Rusia vendosi armë bërthamore taktike vitin e kaluar, megjithëse detajet nuk janë bërë të ditura.
Rusia ka njoftuar gjithashtu se do të ketë kontrollin e armëve, të cilat janë të destinuara për përdorim në fushëbetejë dhe kanë një rreze të shkurtër dhe rendiment relativisht të ulët.
Ende nuk janë bërë publike detaje se si doktrina e re mund të zbatohet për armët bërthamore ruse.
Rusia përdori territorin bjellorus si një trampolinë për të dërguar trupa në Ukrainë në shkurt 2022 dhe ka ende baza ushtarake dhe armë atje, megjithëse trupat bjelloruse nuk kanë marrë pjesë në luftë.
Sekretari i Këshillit të Sigurimit Alexander Volfovich tha se vendosja e armëve bërthamore nga Rusia në Bjellorusi synon të pengojë agresionin nga Polonia anëtare e NATO-s.
“Fatkeqësisht, deklaratat e fqinjëve tanë, veçanërisht Polonia na detyruan të forcojmë doktrinën ushtarake”, tha Wolfowitz.
/abcnews.al
