Nga Erblina Mile
Biznesi i huaj ka kërkuar ndërhyrje thelbësore në ligjin tatimor. Presidenti i dhomës Amerikane të Tregtisë Enoi Jaço theksoi se legjislacioni që përdoret aktualisht krijon shumë keqinterpretime duke dëmtuar klimën e të bërit biznes si dhe thithjen e investitorëve të huaj.
“Është një ligj shumë i vjetër që nuk e ka strukturën moderne të raportimit financiar ndërkombëtar”, shprehet ai.
Drejtoresha e Tatimeve Delina Ibrahimaj theksoi se tashmë ka nisur diskutimi për të hartuar një strategji të re të sistemit tatimor.
“Viti 2021 do të fillojë punën për hartimin e një ligji të ri”, thekson ajo.
Një tjetër shqetësim i ngritur është edhe vonesa në rimbursimin e TVSH-së.Sipas të dhënave të ministrisë së financave gjatë 2020 detyrimet e prapambetura nga rimbursimi TVSH-së ishin 9.7 mld lekë të pa shpërndara për bizneset ose 78.7 milion euro.
“Do ketë ndjekje sa shpejt bëhet kontrolli për të mbyllur procesin e rimbursimit”, tha Ibrahimaj.
Por drejtorja e Ttaimeve deklaroi se që nga muaji prill rimbursimi i TVSH –së për bizneset do të jetë online.
biznesi amerikan ngriti shqetësime edhe në lidhje me funksionimin e sistemit informatik si dhe proçedurat që ndiqen për çregjistrimin e bizneseve. /abcnews.al
