Dëmi që kanë pësuar bizneset në sektorin e turizmit rezulton të jetë më i madh nga sa mendohej.Një sondazh i fundit i bërë në agjencitë e tur-operatorëve dhe agjencitë turistike ka nxjerr në pah se ata kanë realizuar një xhiro vetëm prej 10% nëse e krahasojmë me një vit më parë.
Zv/Kryetari i ATOA-s Kliton Gërxhani thekson se këto të dhëna tregojnë krizën reale në të cilin ndodhet ky sektor.
“Pothuajse e 60 % e të pyeturve kanë bërë më pak se 10% të xhiros së 2019 nëse e krahasojmë me 2020. Gjë është shumë larg 64% që u fol në media që turizmi mori 64 % të punës së vjetshme.”
Shqetësues mbetet edhe fakti se 86% e këtyre bizneseve nuk presin përmirësim të aktivitetit në muajt në vijim. Ndërsa humbjet tek bizneset janë të konsiderueshme dhe arrijnë deri në 100 mijë euro tek bizneset e mëdha.
“Gjysma e humbjeve ishte në hapësirën deri në 20 mijë euro që nuk është e vogël për këto agjenci. Ndërsa bizneset e mëdha kanë humbje mbi 100 mijë euro.”
Ky sondazh ka nxjerr në pah ndër të tjera se ka pasur një përgjysmim të numrit të punojnësve .Gjatë 2020 bizneset e mëdha që kishin të punësuar deri në 35 persona aktualisht nuk kanë më shumë se 13.
Humbjet e biznesit në 2020
49% 20 mijë euro
21% 100 mijë euro
16% 20-50 mijë euro
14% 50-100 mijë euro /abcnews.al/
