Eneo Bitri është zyrtarizuar tek Astana në Kazakistan. Qendërmbrojtësi, pasi doli si lojtar i lirë nga Partizanit, pranoi ofertën e Astana dhe firmosi atje.
Beratasi do të mbajë fanellën me numër 26 në skuadrën e re, ndërkohë që ka thënë edhe fjalët e para për këtë lëvizje:
“Jam shumë i lumtur që jam këtu. Astana është një klub i madh dhe dua të fitoj çdo ndeshje së bashku me ekipin.
Shpresoj të ndihmoj skuadrën të arrijë të gjitha objektivat këtë sezon dhe të jemi skuadra më e mirë në Kazakistan.
Kam dëgjuar shumë për klubin dhe qytetin. Më pëlqen Nur-Sultan, një qytet me të vërtetë modern dhe i bukur. Shpresoj ta njoh qytetin sa më shpejt nga afër”. /abcnews.al
