Ka dritë në fund të “tunelit” për Romën, pasi drejtuesit kanë arritur të bindin një nga lojtarët kryesorë të ekipit për të rinovuar kontratën.
Nicolo Zaniolo është bindur që të rinovojë kontratën me verdhekuqtë, teksa tashmë sipas “CalCiomercato” palët kanë nisur edhe negociatat për zgjatjen e kontratës për 5 vitet e ardhshme.
23-vjeçari do të fitoj edhe një pagë të konsiderueshme prej 4 milionë euro neto në sezon, duke u bërë ndër më të paguarit në klub së bashku me Lorenzo Pellegrinin, Tammy Abraham e Ginni Wijnaldum.
Zyrtarizimi i kontratës së re mes palëve pritet të bëhet gjatë ditëve të ardhshme. Juventus, PSG, Chelsea, Tottenham Hotspur dhe Bayern Munich ishin skuadrat e interesuara për yllin italian, por tashmë duhet të mendojnë për një tjetër emër, pasi Zaniolo do të vazhdojë të mbajë veshur fanellën e Romës në “Olimpico”. /f.a/abcnews.al
