Janë publikuar çmimet e biletave për ndeshjen derbi mes Tiranës dhe Partizanit, që do të luhet në Air Albania Stadium, ditën e premte. Tirana është kryesuese e Superiores pas fitores ndaj Kukësit dhe synon të fitojë titullin kampion. Partizani në vend të tretë, është me mision të ndalë bardheblutë.
Klubi i Tiranës ka publikuar edhe çmimet e biletave dhe kush do që të jetë në stadium, duhet të paguajë minimalisht 500 lekë. Kjo shumë, të siguron një biletë pas portave dhe njëra nga tribunat pas porte, është për miqtë e Partizanit.
Biletat në tribunat përballë, janë 1000 dhe 1500 mijë lekë, ndërsa në tribunat VIP, çmimet janë edhe më të larta. 3000 dhe 4000 lekë është çmimi i biletave të tribunave VIP anësorë, ndërsa në tribunën kryesore VIP, një biletë kushton 5000 lekë./abcnews.al
