Organizata Botërore e Shëndetësisë paralajmëron që njerëzit që kanë pasur Covid-19 nuk janë domosdoshmërisht imunë nga marrja e virusit përsëri.
Sipas OBSH-së, në këtë pikë të pandemisë nuk ka prova të mjaftueshme mbi efikasitetin e imunitetit të antitrupave për të garantuar efikasitetin e një “pasaporte imuniteti” apo një “certifikatë çlirimi nga rreziku”.
Në këtë mënyrë bie dhe teoria, në të cilën shkencëtarë të ndryshëm besonin se nëse koronavirusi prekte shumicën e popullatës në botë, atëherë do të krijohej një lloj rezistence ndaj këtij virusi të rrezikshëm.
