Dani Ceballos është një nga objektivat e Milanit në merkato. 24-vjeçari i Real Madrid kaloi dy sezonet e fundit i huazuar në Premier League tek Arsenali.
Për momentin është rikthyer në kryeqytetin spanjoll. Kuqezinjtë e shohin mesfushorin ofensiv si zëvendësuesin e Hakan Calhanoglu, por Ceballos mund të mbetet te Reali.
AS shkruan se gjithçka varet nga Toni Kroos. Mesfushori gjerman ka probleme me pubalgjinë dhe akoma nuk dihet se sa kohë do të qëndrojë jashtë fushave.
Në kushte të tilla, trajneri Carlo Ancelotti ka bllokuar për momentin huazimin e lojtarit spanjoll drejt skuadrës së Stefano Piolit. /abcnews.al
