Zgjedhjet presidenciale të nëntorit janë një “test” për SHBA-në pas atentatit ndaj Donald Trump, theksoi Joe Biden gjatë fjalimit të tij nga Shtëpia e Bardhë.
“Të gjithë po përballemi me një periudhë testimi me afrimin e zgjedhjeve”, theksoi presidenti demokrat.
Por, “pa marrë parasysh sa të forta, bindjet tona nuk duhet të na bëjnë kurrë të
Fjalimi pasoi një vendim të Biden dhe fushatës së tij për të shtyrë tubimet e fushatës dhe për të tërhequr mesazhet e televizive që synonin Trump, të cilin kreu i shtetit e ka përshkruar vazhdimisht si një “kërcënim” për demokracinë amerikane.
Ndërhyrja e presidentit amerikan, e cila zgjati më pak se shtatë minuta, kishte për qëllim të theksonte mesazhin se “nuk mund të lejojmë që dhuna politike të bëhet e zakonshme” dhe se urrejtja në vend duhet të marrë fund.
Ishte vetëm fjalimi i tretë zyrtar i Biden nga Zyra Ovale pas marrjes së detyrës në vitin 2021. Dy të mëparshmet kishin të bënin me luftërat në Rripin e Gazës dhe Ukrainën dhe marrëveshjen që ai arriti me republikanët për kufirin e borxhit kombëtar.
Sulmet vdekjeprurëse me armë janë një dukuri e përditshme në SHBA, dhuna politike është shumë më e pazakontë, por jo saktësisht e rrallë.
Katër presidentë amerikanë janë vrarë, disa të tjerë u kanë mbijetuar tentativave.
/abcnews.al
