Presidenti i SHBA-së Joe Biden ritheksoi mbështetjen e tij të palëkundur për “sigurinë e popullit hebre dhe sigurinë e Izraelit dhe të drejtën e tij për të mbrojtur veten” pas sulmeve terroriste të Hamasit më 7 tetor.
“Ne do të vazhdojmë t’i ofrojmë ndihmë ushtarake Izraelit derisa ata të shkatërrojnë Hamasin, por ne duhet të jemi të kujdesshëm, ata duhet të jenë të kujdesshëm,” tha Biden.
“E gjithë opinioni publik i botës mund të ndryshojë brenda natës, ne nuk mund ta lejojmë këtë të ndodhë.”
Presidenti gjithashtu përshëndeti punën që ka bërë administrata e tij për të siguruar lirimin e pengjeve që ende mbahen në Gaza dhe dërgimin e ndihmës humanitare në rajon.
“Ne po punojmë pa pushim për kthimin e sigurt të pengjeve. Unë personalisht kalova shumë orë dhe e kam fjalën, ndoshta deri në 20 orë me negociatorët nga Egjipti dhe Izraeli për të siguruar lirinë e pengjeve, për të lejuar hyrjen e kamionëve, për kalimin e ndihmave humanitare”, tha Biden.
/abcnews.al
