Presidenti amerikan, Joe Biden thotë se ka frikë se Vladimir Putin nuk ka një strategji për të dalë nga konflikti.
Duke folur në Washington të hënën, Biden e përshkroi presidentin rus si një “njeri shumë llogaritës”, por pa një strategji daljeje dhe pranoi se “po përpiqet që kuptojë çfarë duhet të bëjnë për këtë.”
Ai tha se Putin e kishte menduar gabim që pushtimi i Ukrainës do të shpërbënte NATO-n dhe Bashkimin Evropian.
Biden shtoi se në vend të kësaj, SHBA dhe shumë vende evropiane ishin pozicionuar në anën e Ukrainës she ishin bërë më të unifikuara, shkruan Sky news.
Komentet e tij erdhën pasi forcat ruse qëlluan me raketa në Odesa, duke goditur një qendër tregtare dhe një magazinë, duke lënë 1 person të vrarë dhe 5 të tjerë të plagosur.
Putin prej kohësh pretendon se NATO po zvarritet drejt lindjes në ish-republikat sovjetike.
Ukraina dhe aleatët e saj perëndimorë kanë mohuar me vendosmëri se vendi paraqet ndonjë kërcënim./abcnews.al/
