Presidenti amerikan në largim Joe Biden falënderoi kryeministrin kanadez Justin Trudeau në një bisedë telefonike për gjithçka që ka bërë për të forcuar marrëdhëniet SHBA-Kanada, njoftoi Shtëpia e Bardhë.
Në deklaratë thuhet se Biden vuri në dukje se Trudeau e ka udhëhequr Kanadanë me përkushtim, optimizëm dhe vizion strategjik gjatë dekadës së fundit.
Biden tha se aleanca midis Amerikës dhe Kanadasë është më e fortë për shkak të angazhimit të Trudeau dhe se ai ka kontribuar për sigurinë në botë, raportoi Reuters.
Të hënën, Trudeau dha dorëheqjen nga posti i kryeministrit dhe kreut të Partisë Liberale, për shkak të presionit në rritje nga partia.
Ai tha se do të qëndrojë në pozitën e kryeministrit derisa Partia Liberale të zgjedhë një lider të ri./abcnews.al
