Presidenti amerikan Joe Biden ishte i qeshur dhe e mori me sportivitet bisedën me një mbështetës të Donald Trump gjatë një vizite në stacionin e zjarrfikëseve në Shanksville të Pensilvanisë.
Me kapelen me mbishkrimin Trump në dorë, mbështetësi i ish-Presidentit iu afrua Biden dhe i kërkoi që të hidhte një autograf mbi të, ndërsa nuk e kurseu një batutë për kujtesën problematike të liderit të Shtëpisë së Bardhë.
“A do ta nënshkruani për mua? Të kujtohet emri?”, tha me shaka mbështetësi i manjatit republikan.
“Jo, nuk më kujtohet, jam plakur dhe jam i ngadaltë”, ishte përgjigjia ironike e Biden.
“Ti je plakur”, këmbënguli bashkëbiseduesi duke buzëqeshur.
“Ti di diçka edhe për të qenit i moshuar”, ia ktheu Biden, duke shtuar: “Ti më kujton një djalë me të cilin jam rritur në lagje”.
Më pas, Presidenti e merr kapelen mbështetësit të Trump për të hedhur firmën e tij mbi të, ndërsa ai i thotë: “Më duhet ajo kapelë”.
NEW: Full exchange of the incident leading up to Joe Biden putting on a Trump 2024 hat.
Biden: "Sure, I'll autograph [a hat]."
Man: "You remember your name?"
Biden: "I don't remember my name… I'm slow."
Man: "You're an old fart."
Biden: "Yeah, I'm an old guy… You would… pic.twitter.com/yQcCXmtzIZ
— Collin Rugg (@CollinRugg) September 12, 2024
Në fund, presidenti, duke buzëqeshur, e vendos kapelën e fushatës së Trump në kokë, një veprim i shoqëruar me buzëqeshjen e tij dhe duartrokitjet e të pranishmëve, ndërsa bashkëbiseduesi i tij mban atë presidenciale dhe i thotë Bidenit: “Tani jam krenar për ty, plak”.
Presidenti më pas shpjegoi se ajo që ndodhi ishte “një shenjë e uljes së tensioneve dhe unitetit në një ditë zie dhe përkujtimore për Shtetet e Bashkuara”.
/abcnews.al
