Biden: Arritja e një marrëveshje armëpushimi në Rripin e Gazës është në duart e Hamasit

Presidenti amerikan Joe Biden beson se ekziston  mundësia për të shpallur një armëpushim të përkohshëm në Rripin e Gazës përpara muajit të Ramazanit.

“Nëse kjo vazhdon gjatë Ramazanit, do të jetë shumë, shumë e rrezikshme,” tha ai duke shtuar se vendimi për të shpallur një armëpushim dhe për të liruar pengjet në këmbim të të burgosurve palestinezë, tani ishte në duart e Hamasit.
Përfaqësuesit e ndërmjetësve, Katari, Egjipti dhe SHBA, po negociojnë me Hamasin në Kajro.

Ndërkohë Izraeli nuk merr pjesë në bisedime. Deklaratat nëse është bërë apo jo progres janë ende kontradiktore.