Vasil Bici, trajneri i mirënjohur shqiptar, është i ftuar në studion e Pressing. Bici foli për Kategorinë Superiore dhe për sezonin që Partizani ka bërë deri më tani, duke insistuar se kryesuesit nuk gjykohen.
SUPERIORE – “Me 10 skuadra, nuk ka ndeshje të lehta. Po të shikojmë renditjen, Vllaznia në vend të tetë me Kukësin në vendin e dytë, e ndajnë vetëm katër pikë. Pra, kampionati është i ngjeshur dhe skuadrat janë shumë të përafërta dhe në mënyrën si luajnë. Dua të them se të gjitha skuadrat, kanë fizionominë e tyre. Nuk është habi që Kukësi të thyhet në Laç. Nuk është habi që Vllaznia të fitojë në Gjirokastër. Kjo Superiore ka rivalitet”.
PARTIZANI – “Partizani ka 25 pikë dhe ka më shumë pikë se çdo skuadër tjetër. Pikët nuk vijnë kot, normale që ka treguar më shumë se skuadrat tjera. Ne jemi në garë me të gjitha të mirat e të këqijat. Fituesit nuk gjykohen, ka 25 pikë dhe hajt “njateta”./abcnews.al
