Ambasadorja amerikane Yuri Kim ka uruar Altin Binajn për betimin sot si Gjyqtari i pestë i Gjykatës Kushtetuese. Po ashtu, diplomatja amerikane ka falenderuar presidentin e vendit Ilir Meta, që mundësoi atë që Kim e quajti një zhvillim pozitiv.
Ambasadorja shkruan se falë këtij “veprimi dhe bashkëpunimi urgjent” mes Presidencës, KED-së dhe Parlamentit, është e mundshme që Gjykata Kushtetuese të jetë funksionale deri më 31 dhjetor.
POSTIMI I PLOTË
“Urime Altin Binajt për betimin e tij si gjyqtari i 5-të i Gjykatës Kushtetuese. Faleminderit Presidentit Ilir Meta, për mundësimin e këtij zhvillimi pozitiv. Falë këtij veprimi dhe bashkëpunimit urgjent mes Presidencës, KED dhe Parlamentit, Gjykata Kushtetuese mund të jetë funksionale deri më 31 dhjetor.”
Altin Binajn e ka uruar edhe Ambasadori i BE në Shqipëri, Luigi Soreca, i cili në një postim në Twitter shkruan se tashmë i mbetet KED që të finalizojë pa vonesa listën për anëtarët e tjerë që duhet të caktohen nga presidenti.
….It is now up to the JAC to finalise with no delay the lists for the other Members to be appointed by the President. Full functionality of the Court is a key step to complete the list of conditions necessary to launch the first IGC for the accession talks between ??and??. 2/2
— Luigi Soreca?? (@LSorecaEU) December 22, 2020
Kujtojmë se Altin Binaj është zyrtarisht anëtari i pestë i Gjykatës Kushtetuese. Ai është betuar mesditën e kësaj të marte përpara presidentit Ilir Meta, pasi u zgjodh nga Kuvendi në seancën e shkuar plenare. Binaj merr sot detyrën si anëtar i Gjykatës Kushtetuese.
Bashkë me Binajn Gjykata Kushtetutese ka 5 anëtarë, mes të cilëve Vitore Tusha, Elsa Toska, Marsida Xhaferllari dhe Fiona Papajorgjin, por që ky institucion të jetë funksional duhet të ketë të paktën 6 anëtarë. s.b/abcnews.al/
