Mund të thuhet me plot gojë se është përballja më e rëndësishme e sezonit. “Aspirinat” e Bayer Leverkusen do të presin në orën 18:30, në “BayArena”, “Bavarezët” e Bayern Munich, në përballjen e vlefshme për javën e 21-të të kampionatit gjerman të futbollit, Bundesliga, përballje kjo me shumë rëndësi, për të dyja skuadrat që luftojnë këtë sezon për titullin kampion.
Sa i përket formacioneve, tekniku, Xabi Alonso i ka rreshtuar të tijët, me formulën 3-4-2-1, ku në portë është finlandezi Hradecky e para tij në mbrojtje Hincapie, Tah e Tapsoba. Në krahët e mesfushës janë Grimaldo e Stainisic, me qendrën që mbulohet nga Andrich e Xhaka. Më të avancuar janë Florian Wirtz e Tella, ndërsa në majën e sulmit është vendosur marokeni, Amine Adli.
Në krahun tjetër, tekniku Thomas Tuchel i ka rreshtuar “Bavarezët” e tij, me po të njëjtin formacion 3-4-2-1, ku në portë është vendosur legjendari, Manuel Neuer e para tij në mbrojtje Upamecano, Dier e Kim Min-Jae. Në krahët e mesfushës janë Boey e Mazraoui, ndër në qendër janë Pavlovic e Goretzka. Sane e Musilia vendosen më të avancuar, ndërsa në sulm është vendosur “bomberi” anglez, Harry Kane. /i.m /abcnews.al
Formacionet zyrtare:
