Teksa në Gjykatën Kushtetuese zhvillohet seanca e radhës për të shqyrtuar kërkesën për shkarkimin ose jo, të Presidentit të Republikës, Ilir Meta, këshilltari Bledar Dervishaj, ka shprehur shqetësimin në lidhje me provat e Kuvendit, të cilat sipas tij janë falsifikuar.
Lidhur me këtë ka reaguar edhe zëdhënësi i Presidentit Ilir Meta, Tedi Blushi i cili shkruan se Kuvendi ndjek me besnikëri të plotë rrugën e manipulimit dhe falsifikimit të provave.
Ndërkohë Blushi ka njoftuar edhe një konferencë për mediat nga Këshilltari i Presidentit për Çështjet Ligjore, z.Bledar Dervishaj.
Postimi i Tedi Blushit:
Për marrëzinë më të fundit të Kuvendit të ri, që ndjek me besnikëri të plotë rrugën e manipulimit dhe falsifikimit të provave nga Kuvendi njëpartiak, pas pak Këshilltari i Presidentit për Çështjet Ligjore, z.Bledar Dervishaj do të japë një prononcim live nga Institucioni i Presidentit të Republikës.
Transmetim LIVE në faqen zyrtare të Presidentit Meta në Facebook.
/abcnews.al
