Është zbardhur kalendari i javës së 21-të në Superiore. Një sfidë, do të luhet ditën e premte, ndërsa katër sfidat e tjera, ditën e shtunë. Siparin e kësaj jave e ngre sfida Vllaznia-Tirana, që luhet në “Loro Boriçi” në orën 18:00.
Ndërsa të shtunën, 8 ekipe të Superiores zbresin në fushë. Në orën 14:00, luhen dy sfida. Skënderbeu pret në Korçë ekipin e Bylisit, ndërsa Kukësi pret Laçin, që me shumë gjasa do të luhet në “Elbasan Arena”.
Në orën 17:00, Partizani pret ekipin e Flamurtarit, ndërsa Teuta do të synojë të rikthehet te fitoret në “Niko Dovana” kundër Luftëtarit./abcnews.al
Java 21 në Superiore do të luhet sipas këtij kalendari:
Të premten
Vllaznia-Tirana (18:00)
Të shtunën
Skënderbeu-Bylis (14:00)
Kukësi-Laçi (14:00)
Partizani-Flamurtari (17:00)
Teuta-Luftëtari (17:00)
