Britney Spears është shprehur se nuk do të performojë sërish nëse babai vazhdon të ketë nën kontroll jetën e saj. Këngëtarja me famë botërore theksoi se kujdestaria nën të cilën është prej 13 vitesh i ka vrarë ëndrrat e saj.
“Unë nuk do të performoj në skenë apo së shpejti nëse babai im vendos se çfarë të vesh, them, bëj apo mendoj. Preferoj më shumë që t’i ndaj videot nga dhoma e ndjenjes në vend të skenës në Vegas…”, tha këngëtarja.
Spears nuk ka performuar në publik që nga fundi i vitit 2018 pas turneut botëror dhe koncertit në Las Vegas. 39-vjeçarja është në betejë ligjore me të atin për t’i hequr rolin e kujdestarit që e ka mbajtur që prej vitit 2008, kur u përball me probleme të shëndetit mendor.
Jamie Spears ka fjalën e fundit mbi pasurinë e saj prej 60 milion dollarësh nën marrëveshjen, për të cilën këngëtarja dëshiron të përfundojë. Këtë javë, Mathew S Rosengart u emërua si avokati i ri për çështjen, duke zëvendësuar Samuel Ingham, të caktuar nga gjykata, por të cilin ajo e kritikoi se nuk ka bërë sa duhet për ta ndihmuar. /abcnews.al
