Shpërthimi i koronavirusit ka pezulluar çdo aktivitet sportiv dhe kampionat e futbollit të këtij sezoni pritet të përfundojnë në verë. Willian është një nga ata lojtarë të cilëve u përfundojnë kontratat në fund të sezonit.
Braziliani ka një premtim për “Blutë e Londrës” në një prononcim për Mundo Deportivo. Premier League mund të përfundojë pas datës 30 qershor dhe 31-vjeçari ofensiv është gati të luajë pa para për skuadrën e Lampard.
“Nëse Premier League do të mbarojë në verë, nuk do ta kisha problem të luaja për Chelsea, pavarësisht se më mbaron kontrata në 30 qershor. Klubi është treguar besnik ndaj meje dhe unë dua të bëj të njëjtën gjë“, deklaron lojtari brazilian. /abcnews.al
