Loading ...Ndërtimi duket se është sektori me performancën më pozitive përgjatë muajit të fundit të vitit 2025.Banka e Shqipërisë ka publikuar vrojtimin i cili konfirmon se treguesi i besimit në ndërtim u rrit me 4.5 pikë përqindje.
Në rritjen mujore ndikuan të dy komponentët, si vlerësimi i bizneseve për aktivitetin ndërtues dhe ai i porosive aktuale. Ndërsa pritjet për çmimet në të ardhmen janë vlerësuar me rritje.
Ndikim në ecurinë e këtij sektori mendohet se ka pasur edhe rivlerësimi dhe pritshmëritë për më shumë shitje në këtë sektor.
Që prej 1 janar në vend ka hyrë në fuqi ligji në bazë të cilit tatimi që do të paguhet për shitjen e një banese do të jetë 5 % nga 15% që ishte më herët .Kjo pritet ti japë një shtysë më shumë tregut të shitje-blerjeve në këtë sektor
sipas Bankës së Shqipërisë treguesi I ndjesisë ekonomike ra me 0.4 pikë në muajin dhjetor. Megjithatë, niveli aktual qëndron rreth 6 pikë përqindje mbi mesataren historike .Kjo situatë u ndikua kryesisht nga dobësimi i treguesve në sektorët e shërbimeve dhe të industrisë.
Treguesi i besimit të industrisë regjistroi një rënie të lehtë me 0.2 pikë përqindje në muajin dhjetor, i ndikuar nga pritjet në rënie për porositë nga eksportet. Po ashtu edhe treguesi I shërbimeve pësoi rënie.
Ndërkohë që tregtia dhe por edhe pritshmëritë e konsumatorëve mbeten të njëjta .Të dhënat me frekuencë tremujore tregojnë se gjendja financiare dhe norma e shfrytëzimit të kapaciteteve e bizneseve u përmirësuan në tremujorin e katërt.
Në veçanti, në sektorët e industrisë dhe ndërtimit, balanca e gjendjes financiare regjistroi rritje, ndërkohë që në dy sektorët e tjerë, ky tregues u pakësua. Norma e shfrytëzimit të kapaciteteve ra në sektorët e industrisë, ndërtimit dhe u rrit në sektorin e shërbimeve dhe atë të tregtisë
.
