Mëngjesi i kësaj të marte, kur pritej “arresti në shtëpi” në selinë blu të Berishës nuk kishte asgjë ndryshe nga ditët e zakonshme.
Dhe Sali Berisha fitoi edhe një ditë liri.
Ndërsa dy avokatët e tij mbërritën në SPAK, pak pas tyre, ai ngjiti shkallët e selisë, për të pritur vendimin mes të rinjve, që i kishte ftuar për një bashkëbisedim.
“ Që do ia kishte lakmi gjykata e Adolf Hitlerit dhe gjykata e Edi Ramës”
Ndërsa u jepte porosi për të qëndruar në mision opozitar, në gjykatë u njoftua shtyrja.
“Gjithçka zhvillohet sipas skenarit të Edi Ramës”
U tregua i qetë dhe për gardianët që do i vendosen tek dera e shtëpisë.
“Do të venë polic, i ftojnë të vënë një bataljon, ta rrethojnë rrugicën ku jam unë, s’kam asnjë problem”
Të mërkurën ka shansin të kryesojë, ndoshta protestën e fundit të tij, që rastisë të jetë ajo para Gjykatës së Lartë, për logon e PD-së që e mban Lulzim Basha.
