Gjatë prezantimit të zhvillimeve për platformën e bashkimit të partisë, Enkelejd Alibeaj foli edhe në lidhje me propozimet e disa deputetëve për shtesa në të. Ai tha se këto propozime shtesë nuk janë pranuar pasi shumcia e deputetëve të PD-së nuk ishin dakord me to.
Alibeaj foli në lidhje me propozimet e Ferdinand Xhaferajt dhe Agron Gjekmarkajt për të ndaluar rikandidimin e Berishës dhe Bashës për drejtimin e partisë. Kjo kërkesë sipas tij nuk u pranua nga shumica e deputetëve.
Lexo edhe: Berisha dhe Basha, jo pjesë e zgjidhjes: Xhaferaj dhe Gjekmarkaj reagojnë për Abcnews.al pas rrëzimit të propozimit në platformën për PD
Po ashtu nuk është pranuar edhe shtesa e propozuar nga Alfred Rushaj dhe Fatjon Veizaj për caktimin e disa kritereve shtesë për procedurat e zgjedhjes së kryetarit të PD-së.
Alibeaj tha po ashtu se kishte edhe kërkesa që të ndalohej pjesëmarrja e Berishës në Grupin Parlamentar të PD-së, e cila po ashtu nuk u pranua.
Përmbajtja e platformës:
Pika e parë e këtij dokumenti lidhet me denoncimin e gjuhës së urrejtjes nga të gjitha palët ndaj çdokujt në parti, në mënyrë që më pas të shkohet drejt bashkimit.
Pikat e tjera duket se rikthejnë normalitetin ne PD, ku kërkohet rikthimi në Grupin Parlamentar të partisë të të gjithë deputetëve që mbështetën Berishën, ndërkohë që kërkohet gjithashtu edhe ndërprerja e çdo procesi të njëanshëm të riorganizimit të partisë, të cilën e ka nisur sëfundmi Komisioni i Rithemelimit.
Në dy pikat e tjera, ajo nr,4 dhe nr.5 kërkohet ngritja e një grupi të përbashkët pune që do të koordinoje këtë proces, ndërkohë që si pikë nr.6 është nisja e një procesi ndërgjegjësimi mes demokratëve, i cili do të shërbejë edhe si fushatë pajtimi.
Abcnews.al raportoi dje se deputetët Ferdinand Xhaferaj dhe Agron Gjekmarkaj kanë kërkuar që në zgjedhjet për kreun e PD-së të përjashtohet kushdo që e ka drejtuar partinë për dy mandate me radhë.
Edhe pse nuk thuhet më emër, ky propozim, nëse do të merret parasysh nga Grupi Parlamentar, i ndërpret rrugën e rikandidimit Berishës dhe Bashës.
Nëse miratohet ky propozim, atëherë gjasat janë që ai të përcaktohet edhe në statutin e Partisë Demokratike duke bërë që askush që ka dy mandate të mos mundet të rikandidojë për kreun e partisë.
Propozimi i Alibeajt
Hapi 3: Më pas zhvillohet procesi i zgjedhjes së kryetarit të Partisë. Marrja e propozimeve për kryetar të PDSH, percaktimi i kritereve të kandidimit dhe filtrimi i kandidaturave të bëhet nga grupi parlamentar me votë të fshehtë. Të drejtën për të kandiduar e ka cdo demokrat që plotëson kriteret e përcaktuara.
Ndryshimi i hapit nr.3, propozuar nga Xhaferaj dhe Gjekmarkaj
Hapi 3: Më pas zhvillohet procesi i zgjedhjes së kryetarit të Partisë. Marrja e propozimeve për kryetar të PDSH, percaktimi i kritereve të kandidimit dhe filtrimi i kandidaturave të bëhet nga grupi parlamentar me votë të fshehtë. Të drejtën për të kandiduar e ka cdo demokrat [anëtar i PD-së]që plotëson kriteret e përcaktuara, përveç kandidatëve të mundshëm të cilët kanë mbajtur për dy mandate pozicionin e “Kryetarit të PDSH-së”, dhe/ose që nuk kanë fituar në dy Zgjedhje për Kuvend, gjatë kohës kur kanë mbajtur pozicionin e “Kryetari të PDSH-së”.
Platforma e plotë
PLATFROMË PARIMESH PËR BASHKIMIN E DEMOKRATËVE
Aplikimi i parimeve të mëposhtme në vlerësimin e ne deputetëve të Grupit Parlamentar të PD sjell ndërprerjen e menjëhershme të konfliktit të brendshëm dhe i hap rrugë bashkimit të demokratëve, që është interesi i vetëm politik dhe elektoral i Partisë Demokratike të Shqipërisë.
- Grupi Parlamentar i PD apelon me forcë për shmangien e gjuhës së urrejtjes, shantazhit, përçarjes, fyerjes dhe arrogancës mes demokratëve dhe i bën thirrje secilit anëtar të Partisë të reflektojë dhe të heq dorë nga cdo pozicionim i deritanishëm përçarës mes demokratëve.
- Anëtarët e Grupit Parlamentar të përjashtuar apo pezulluar nga grupi me vendim të Këshillit Kombëtar të datës 12 janar 2022, rikthehen në grup, si anëtar me të drejta të plota.
- Anullohet cdo proces i njënashëm riorganizimi apo ngritje të strukturave lokale të partisë, apo mbledhje të strukturave qendrore të partisë, duke e shtyrë në një kohë të përshtatshme që përcaktohet në përputhje me rregullat e caktuara në këtë dokument.
- Grupi Parlamentar ngre një grupi pune të përbashkët për hartimin dhe ndjekjen e zbatimit të planit të detajuar për realizimin e bashkimit të partisë (nga baza në qendër). Grupi i Punës propozon rregullat dhe kalendarin e procesit, si dhe planin e detajuar të riorganizimit të strukturave të partisë nga poshtë-lart, të cilat miratohen në një mbledhje të posacme të Grupit Parlamentar.
- Grupi i Punës i ngritur nga Grupi Parlamentar përcakton strukturat zbatuese të këtij plani ribashkimi. Zbatimi i këtij plani administrohet tërësisht në qendër nga GPPD, kurse në nivel dege dhe ne nivel grupseksioni, realizohet nga grupe pune të përbashkëta të monitoruara nga GPPD. Detyrat e secilit grup, në nivel dege apo grupseksioni, realizohen sipas këtyre hapave konsekutivë:
Hapi 1: Certifikimi i anëtarsisë aktuale, dhe paralelisht me këtë të realizohet hapja dhe pasurimi i anëtarësisë me përfaqësues nga cdo shtresë e shoqërisë që ideologjikisht janë afër vlerave dhe programit të PD. Të përcaktohen kritere dhe procedurë e qartë e identifikimit dhe anëtarësimit.
Hapi 2: Fillimi i procesit të zgjedhjeve në nivel seksioni, grupseksioni dhe dege. Grupi i punës të shërbejë si filtër i kandidaturave për secilin nivel. Në raste mosmarrëveshjesh, cështja zgjidhet nga GPPD.
Hapi 3: Më pas zhvillohet procesi i zgjedhjes së kryetarit të Partisë. Marrja e propozimeve për kryetar të PDSH, percaktimi i kritereve të kandidimit dhe filtrimi i kandidaturave të bëhet nga grupi parlamentar me votë të fshehtë. Të drejtën për të kandiduar e ka cdo demokrat [anëtar i PD-së]që plotëson kriteret e përcaktuara, përveç kandidatëve të mundshëm të cilët kanë mbajtur për dy mandate pozicionin e “Kryetarit të PDSH-së”, dhe/ose që nuk kanë fituar në dy Zgjedhje për Kuvend, gjatë kohës kur kanë mbajtur pozicionin e “Kryetari të PDSH-së”.
6. Grupi Parlamentar ngre grupe pune për nisjen e një fushate ndërgjegjësuese në bazë me qëllim bashkimin mes demokratëve, si dhe përgatitjen e partisë për zgjedhjet e ardhshme lokale. /abcnews.al
