Ish-sulmuesi i Manchester United, Dimitar Berbatov, deklaronte kohë më parë se një lojtar i vetëm nuk mund mbajë i vetëm peshën e ekipit. Por, mesa duket tashmë ai ka ndryshuar mendje falë performancave të shkëlqyera të Bruno Fernandesit, i cili po shkëlqen në “Old Trafford”.
“Unë gjithmonë kam thënë se një lojtar i vetëm nuk mund ta ndryshojë një ekip. E kam patur gabim. Që nga ardhja e Brunos tek United, ai e ka rritur lojën e ekipit falë aftësive të tij. Fernandes asiston, shënon dhe krijon lojë të bukur. Mendoj se ai e di shumë mirë se çfarë duhet të bëjë për të luajtur futboll”, është deklarata e bullgarit.
Kujtojmë që portugezi u transferua tek “Djajtë e Kuq” janarin e kaluar dhe që nga ajo kohë është shpallur katër herë lojtari më i mirë i muajit në Premier League. Edhe në këtë sezon Bruno po shkëlqen, teksa në 18 takime në kampionat ka shënuar 11 gola dhe ka asistuar 11 herë për shokët e ekipit. /abcnews.al
