Një aksident rrugor ka ndodhur në afërsi të Urës së Topojanit në Shupenzë, ku për pasojë janë plagosur tre persona. Policia e Dibrës njofton se shtetasi A.K, duke drejtuar automjetin tip “Benz Mercedez” është përplasur me një automjet autobus me drejtues shtetasin B.Xh. Për pasojë kanë mbetur të lënduar tre pasagjerë, të cilët po marrin ndihmë mjekësore në spitalin e Peshkopisë, jashtë rrezikut për jetën.
Grupi hetimor po kryen hetimet në vendngjarje për zbardhjen e shkaqeve të aksidentit. /abcnews.al
