Kryetari i Zgjedhur i Bashkisë së Himarës Fredi Beleri këtë të mërkurë është ankuar në Gjykatën e Lartë në lidhje me masën e sigurisë të vendosur nga Gjykata e Posaçme për shitblerje votash.
Beleri është kapur dy ditë para zgjedhjeve pasi u akuzuan se ofronin shuma parash për dhënien e votës.
Ai në kërkesën e tij drejtuar Gjykatës së Lartë ku kërkon ndryshimin e masës së tij të sigurisë.
Ndërkohë të hënën pritet që të mblidhet edhe Këshilli Bashkiak i Himarës ku pritet të bëhet konstituimi i tij.
Gazetari Ermal Vija raporton për ABC News se burime nga drejtoria e burgjeve kanë konfirmuar se deri më tani nuk ka asnjë kërkesë në lidhje me lejën që mund të marrë Beleri për të qenë pjesë e mbledhjes në Këshillin bashkiak./abcnews.al
