Casemiro është njeriu që vrapon për të gjithë shokët te Real Madrid. Mesfushori lufton, përplaset, rikuperon dhe bën presing, ndërsa emrat e tjerë si Modriç dhe Kroos merren me ndërtimin e ofensivës së “Los Blancos”.
Braziliani ka zbuluar një detaj në lidhje me një nga shokët e skuadrës dhe të repartit. Me Toni Kroos luan prej vitesh dhe e cilëson si njeriun kyç të Real Madrid dhe ecuria e ndeshjes varet gjithmonë nga direktivat e gjermanit.
“Ndeshjet e Real Madrid mbajnë gjithmonë ritmin e Toni Kroos. Nëse ai dëshiron që skuadra të ngadalësohet, ne e ulim ritmin. Nëse ai dëshiron që ne të shpejtojmë dhe nxitojmë, ashtu veprojmë. Toni vendos gjithçka në ekipin tonë“, thekson Casemiro. /abcnews.al
