Disa njerëz pretendojnë se kujtojnë udhëtimin e tyre të parë në Disney ose takimin e tyre të parë me dentistin si kujtimin e tyre më të hershëm. Por, së fundmi Nicolas Cage deklaroi se kujtimi i parë ishte… para se të lindte.
Aktori fitues i çmimit Oscar bëri zbulimin në “The Late Show With Stephen Colbert” mbrëmjen e së hënës.
“Më lër të mendohem. Shiko, e di që kjo tingëllon shumë surreale dhe nuk e di nëse është e vërtetë apo jo, por ndonjëherë mendoj se kujtimi i parë është në mitër dhe ndihem sikur mund të shoh fytyra në errësirë apo diçka tjetër,” 59-vjeçari në lidhje me kujtimin e tij të parë.
“E di që kjo tingëllon shumë abstrakte, por disi duket sikur mund të ketë ndodhur”, shtoi ai.
Colbert e pyeti Cage nëse fytyrat ishin në të vërtetë në mitër me të, ose nëse ai mendon se ato ishin diçka që truri i tij i ka parë para lindjes.
“Tani që nuk jam më në mitër, më duhet të imagjinoj se ndoshta ishin dridhjet vokale që më rezonuan në atë fazë. Këto janë kujtime shumë të hershme. Nuk e di. Kjo është ajo që më vjen në mendje. As nuk e di nëse mbaj mend që isha në bark, por ai mendim më kaloi në mendje,” u përgjigj aktori.
Aktori i njohur njihet për deklaratat e tij të çuditshme dhe të qenit i hapur për teoritë e tij të çuditshme dhe eksperiencat e jetës. Dhjetorin e kaluar në një intervistë, ai deklaroi se ishte i sigurt se ishte një alien kur ishte i ri. Në fakt, ai tha se ishte i habitur kur një mjek konfirmoi se ai kishte “organet normale dhe një skelet normal” si njerëzit e tjerë.
Ylli 59-vjeçar zbuloi gjithashtu për revistën Rampstyle se kishte probleme të komunikonte mirë me të tjerët.
“Babai im më tha se ndjehej sikur duhej të prezantohej sa herë që fliste me mua, sepse unë isha shumë i huaj. Kisha vështirësi të bisedoja me njerëzit e tjerë. Kur pashë David Bowie në “Njeriu që ra në tokë”, e kuptova se duhej të bëja diçka. Kështu u bëra aktor”.
Lidhur me mendimet që kishte se vinte nga një planet tjetër, Cage u shpreh se “u trondita ditën kur shkova te mjeku si fëmijë dhe kuptova se kisha organe normale dhe një skelet normal, sepse isha i sigurt se isha një alien.” /abcnews.al
