Bebe Rexha është një ndër këngëtaret me origjinë shqiptare, që po korr një sukses të jashtëzakonshëm në tregun muzikor ndërkombëtar. Artisja është shumë aktive në rrjete sociale, kryesisht së fundmi gjatë periudhës së karantinës, ku shpesh ndan me ndjekësit foto dhe video mjaft provokuese.
Së fundmi, Bebe ka publikuar disa foto në Instagram nga një shëtitje me biçikletë që ka bërë në rrugët e Los Angeles, dhe ku shfaqet mjaft joshëse e veshur me një kostum sportiv që i nxjerr në pah format perfekte trupore.
Bebe ka zbuluar se shëtitja është hobi i saj më të ri, teksa krahas fotove që ka publikuar shkruan: “Hobi më i ri i preferuar”. Kujtojmë që këngëtarja shqiptare u fotografua në krahët e një djali misterioz në një treg ushqimor në Los Angeles. Mesa duhet këngëtarja e ka gjetur personin e zemrës, pasi pak kohë më parë, në një intervistë për “Healthy”, ajo foli për jetën sentimentale, duke treguar se ishte single.
“Është e vështirë. Unë mendoj se të qenit e famshme i ka frikësuar shumë meshkuj. Shumë herë, ata duan një vajzë që është e butë dhe e rezervuar dhe kjo nuk jam unë. Unë nuk kam filtër. Do të them atë që dua.”, deklaroi këngëtarja. /abcnews.al/
