Beatrix Ramosaj ishte e eliminuara e spektaklit të së premtes pas një qëndrimi 90 ditor në shtëpinë e famshme të Big Brother VIP. Ajo ishte në televotim së bashku me moderatoren, Einxhel Shkirën dhe partnerin e saj, Donald Veshaj. Pjesëmarrja e këngëtares në reality show-n e famshëm është shoqëruar me një sërë dinamikash duke e bërë atë një ndër personazhet më të komentuar.
Ajo krijoi një lidhje me Donaldin fill pas daljes nga shtëpia të Semi Jaupaj, e cila kishte një raport të afërt me aktorin e humorit, njëherazi mikesha shumë e mirë e Bora Zemanit. Ndërsa ata konfirmuan pëlqimin për njëri-tjetrin brenda shtëpisë, vendi “ziente” për tradhtinë e tyre ndaj moderatores. Ofendimet, sharjet për dyshen ishin nga më të rëndat.
Kjo për faktin se Donaldi i kishte dhënë shpresë Borës për një rikthim pas puthjes që shkëmbyen brenda shtëpisë dhe varëses që i dhuroi për përvjetor. Madje, arritën deri aty sa hodhën dhe gur brenda shtëpisë së famshme duke ofenduar dhe Donaldin. Ky veprim solli reagimin e Borës, e cila dënoi këtë sjellje dhe kërkoi që të mos e gjykonin Donaldin.
“Gjithçka ka qenë shumë e sikletshme dhe dua të them se asnjëherë nuk do mund të ndërhyja në këtë histori nëse nuk do të merrja një reagim dhe sigurinë e plotë të Donaldit. Mund t’i kisha marrë hapat më sigurt, mendoja se isha e qartë, kisha shumë besim. Jam në siklet që jam në këtë situatë por ndjenja ime për atë nuk ndryshon. Dhe e di që dhe nga ana e tij. E ndjej shumë.“, tha Trixa kur pranoi pëlqimin për Donaldin.
Beatrix ishte më e shënjestruara, gjë që solli dhe reagimin e familjarëve të saj. Albani dhe nëna e saj, Antigona treguan mbështetjen për Trixën. Gjatë kohës që ishte në nominim këtë javë, këngëtarja kishte marr sinjale nga banori i ri Arbëri se si është komentuar jashtë, gjë e cila bëri që Trixa të ndihej keq. Pas daljes, ajo është takuar me të ëmën Antigonën në prapaskenë.
Ata shihen të emocionuara dhe me lot në sy. Pasi doli, nuk ka pasur asnjë reagim nga ana e këngëtares. Ndryshe nga personazhet e tjerë që kanë lënë shtëpinë, të cilët kanë përcjellë mesazhe falenderimi për mbështetjen, Trixa nuk ka reaguar ende.
View this post on Instagram
/abcnews.al
