Bashkimi Evropian ka zbatuar paralajmërimin e tij për të vendosur tarifa të përkohshme për importet e makinave elektrike nga Kina deri në 37,6%, njoftoi sot Gazeta Zyrtare e bllokut.
Kompanitë kineze të prekura përfshijnë BYD, një sponsor kryesor i turneut të futbollit Euro2024 në Gjermani, i prekur nga tarifa deri në 17,4%, “Geely” 19,9% dhe SAIC 37,6%.
Paralajmërimi i tarifave të përkohshme për makinat elektrike daton muajin e kaluar – pasi një hetim nga Komisioni Evropian gjeti prova të mbështetjes së paligjshme nga subvencionet shtetërore kineze.
Me rrezikun e një lufte tregtare me Pekinin, masat ndëshkuese të BE-së bëhen përfundimtare brenda katër muajve, nëse Kina nuk bën lëshime.
Deri atëherë, në vend të tarifës duhet të paguhet një depozitë sigurie.
