Loading ...Rivlerësimi përfundimtar gjyqtarëve dhe prokurorëve duhet të përfundojë deri në qershor të 2026.
Gjatë një takimi në Kolegjin e Posaçëm të Apelimit, ambasadori i BE-së në Tiranë, Silvio Gonzato, tha se vetingu, mbetet një nga kushtet kryesore të anëtarësimit të Shqipërisë në Bashkimin Europian.
Procesi i rivlerësimit (vettingu) mbetet shtylla kurrizore e reformës në drejtësi dhe përfundimi i tij është një hap themelor në procesin e anëtarësimit të Shqipërisë në BE.
Ndërsa konfirmon mbështetjen e Bashkimit Europian për procesin e vetingut, Gonzato, dënon sulmet ndaj vëzhguesve ndërkombëtare.
Sulmet e fundit të pajustifikuara dhe dezinformimi ndaj ONM-së dhe vëzhguesve të saj ndërkombëtarë janë të papranueshme dhe synojnë të minojnë besimin te sistemi i drejtësisë dhe reforma në drejtësi.
Deri më tani, Kolegji I Posacem I Apelimit ka shqyrtuar 370 nga 417 ankimime të depozituara. Ndërsa në proces janë edhe 48 te tjera të cilat pritet të mbyllen brenda këtyre 8 muajve./abcnews.al
