Bashkimi Evropian ka njoftuar se do të ndalojë shërbimin e ri të TikTok në Evropë, “TikTok Lite”. Sipas BE kjo platformë rrezikon të jetë po aq i varur sa cigaret, ndërsa shton se në të kundërt kompania duhet të ofrojë “prova të palëkundshme” për të mbrojtur fëmijët .
Nëse kjo kërkesë miratohet, do të ishte hera e parë që BE do të merrte një vendim të tillë për të sanksionuar kompanitë e mediave sociale sipas Aktit të Shërbimeve Dixhitale.
“TikTok Lite” u ofron përdoruesve “çmime” të tilla si kuponat e Amazon, certifikatat e dhuratave PayPal ose monedhën TikTok Coins.
Lojtarët fitojnë pikë përmes “detyrave”, të cilat përfshijnë shikimin e videove, pëlqimin e përmbajtjes, ndjekjen e krijuesve ose fitimin e miqve për t’u bashkuar.
Komisioni Evropian i dha afat TikTok-ut deri të mërkurën “për të paraqitur argumente në mbrojtjen e tij, të cilat Komisioni do t’i vlerësojë përpara se të marrë një vendim përfundimtar.
/abcnews.al/
