Java e 33 e kampionatit gjerman do të zhvillohet të shtunën, kur do të zbresë në fushë Bayern dhe Dortmund. Bavarezët luajnë ndaj Leipzig, ndërkohë që verdhezinjtë presin Dusseldorfin.
Të shtunën do të zhvillohen takimet e javës së 33 në Bundesligën gjermane. Kryesuesit e Bayernit janë në vendin e parë dhe mjaft komod pasi diferenca me vendin e dytë që mbahet nga Dortmund është plot 4 pikë dhe titulli është një hap larg.
Bavarezët kanë një transfertë jo të lehtë pasi do të përballen me Leipzigun që renditet në vendin e tretë në klasifikim duke siguruar pjesëmarrjen në Champions sezonin e ardhshëm. Trajneri Niko Kovac e ka të plotë kontigjentin e lojtarëve dhe tre pikët janë detyrim për gjigandin gjerman për të mos rrezikuar titullin në javët e fundit.
Borusia Dortmund do të presë në shtëpi skuadrën e Dusseldorf. Verdhezinjtë kanë shumë pak shanse për titull, por ende nuk janë dorëzuar. Ndalesat ndaj Verder Bremen dhe Schalkes në derbi i dhanë një goditje të fortë skuadrës së Dortmundit që tashme i duhet në mrekulli për t’u kurorëzuar si kampion ne Gjermani./ABC News Albania 24/7
