Ëndrra e madhe e shumicës së futbollistëve gjermanë është të luajnë një ditë me Bayern Munchen dhe kombëtaren. Nëse bavarezët duan një futbollist ia dalin ta marrin atë, por ka edhe përjashtime.
Dikur i refuzonte Marco Reus sistematikisht, me kapitenin që nuk pranonte largimin nga Dortmund. Së fundmi e ka bërë edhe Florian Neuhaus, mesfushori i talentuar i M’Gladbach dhe Gjermanisë (3 ndeshje dhe 1 gol).
Kampionët e pëlqejnë shumë lojtarin, por ai nuk ka ndërmend të pranojë ofertën e ardhur nga Bavaria. Sport1 raporton se 23-vjeçari nuk tundohet nga transferimi tek ekipi i Flick dhe ka zgjedhur të qëndrojë te M’Gladbach. /abcnews.al
