Një ditë pas fitores si kryetar i Partisë Demokratike, Lulzim Basha ka zhvilluar këtë të dielë mbledhjen e Kryesisë.
Në këtë mbledhje, Basha ka propozuar mbajtjen e Kuvendit Kombëtar të PD në datën 2 shtator. Në agjendën e Kuvendit Kombëtar janë parashikuar ndryshimet statutore, vendime organizative në përputhje me vendimet statutore si dhe miratimin e axhendës politike të Partisë Demokratike.
Në mbledhjen e organizuar pasditen e sotme të Kryesisë dhe Kolegjit të Kryetarëve nga Basha, nuk kanë marrë pjesë Sekretari i Përgjithshëm, Gazment Bardhi dhe nënkryetarja e dikurshme, Jorida Tabaku, të cilët nuk e njohin për kryetar të selisë blu.
Në zgjedhjet e së shtunës, Lulzim Basha u përball me një pjesëmarrje të ulët në votime të anëtarësisë demokrate, ndërsa mbështetje të ulët ka edhe nga Grupi Parlamentar, ku nga 52 deputetë, vetëm 8 prej tyre votuan për ta rikthyer bashën në krye të PD./abcnews.al
