Kryetari i Partisë Demokratike, Lulzim Basha ka takuar sot ambasadorin italian Fabrizio Buçi.
Duke dhënë detaje për takimin, kryedemokrati shkruan se me Italinë na lidh jo vetëm e kaluara, por e ardhmja dhe shpresa e përbashkët për t’i parë popujt gjithnjë e më afër dhe më të bashkuar brenda BE-së.
“Sot prita me kënaqësi të madhe ambasadorin, Fabrizio Buçi. Me Italinë na lidh jo vetëm e kaluara, historia jonë dhe vlerat tona, por mbi të gjitha e ardhmja dhe shpresa e përbashkët për t’i parë popujt tanë gjithnjë e më afër dhe më të bashkuar brenda BE-së“, shkruan Basha përmes një mesazhi në Twitter.
