Kreu i Partisë Demokratike Lulzim Basha ka zgjedhur sot Gjirokastrën, qytetin e radhës për të vizituar. Gjatë gjithë rrugës për në Gjirokastër ka pasur grupe simpatizantësh, çka ka bërë që Basha të ndalojë disa herë për t’i përshëndetur.
Gazetari Juxhin Mustafaraj, nga Gjirokastra raporton detaje nga kjo vizitë e sotme e kryedemokratit. Bëhet me dije se Basha do të zhvillojë takime me intelektualë të qytetit, përfaqësues të PD dhe kandidatë në këtë qark.
Lexo edhe: VIDEO/ Basha rrugës për në Gjirokastër, pritet me thirrje “Rama ik”
Ky do të jetë takimi i parë i kreut të PD me kandidatët për deputetë. Lista e demokratëve në Gjirokastër kryesohet nga Tritan Shehu. Gjithashtu Basha do të bisedojë edhe me strukturat e partisë në këtë qark. g.v/abcnews.al
