Kreu i PD, Lulzim Basha ndodhet sot në Lezhë teksa po zhvillon një bashkëbisedim me fermerët, në kuadër të turit “Rrugëtimi për Shqipërinë”.
Gjatë fjalës së tij, Basha u ndal edhe tek ajo që ndodhi mbrëmë në stadium, ku teksa luhej ndeshja Shqipëri-Francë tifozët brohoritën “Rama ik”.
Sipas Bashës ky ishte një mesazh i qartë i shqiptarëve se Rama duhet të largohet.
“Të gjitha e dëgjuam jehonën e shqiptarëve. Mesazh i qartë për Ramën që të hapë rrugën për zgjedhje të lira e të ndershme që janë dhe zgjidhja e krizës që ka pllakosur.
Nuk është vetëm opozita janë të gjithë shqiptarët që e kërkojnë këtë. Ndaj hap rrugë për zgjedhje të lira dhe të ndershme. Duhet një qeveri që ju dëgjon, që ju kupton dhe ju sheh në sy. Siç mund ta keni ndjekur, kjo platformqë fillon me vënien e bujqësisë në rend të parë të buxhetit. Ndryshimi do të vijë përmes votës tuaj”, tha Basha.
