Loading ...
Partia Demokratike këtë të shtunë do të zhvillojë mbledhjen e radhës me deputetët e grupit parlamentar të cilët pritet që të përcaktojnë deri diku dhe rrugën që do të ndjekë lidershipi i Partisë Demokratike.
Mbledhja e grupit parlamentar do të përballë deputetët që kërkojnë në masë largimin nga drejtimi i partisë, me Lulzim Bashën, kryetarin në detyrë të PD.
Ndërkohë në këto kushte Basha dhe bashkëpunëtorët e tij si dhe grupi i deputetëve që kërkojnë largimin e tij po ndërmarrin hapat e nevojshëm në funksion të realizimit të qëllimeve të tyre.
Kryedemokrati Basha të premten është takuar në selinë e PD me sekretarin e Përgjithshëm, Gazment Bardhi si dhe nënkryetarin e PD, Enkelejd Alibeaj, të dy mbështetës të tij.
Por edhe deputetët që kërkojnë largimin e tij nuk kanë qëndruar në heshtje. Gjatë këtyre dirtëve deputetët e PD po zhvillojnë takime të vazhdueshme mes tyre për të rakorduar qëndrimin që do të mbajnë në mbledhjen e grupit./abcnews.al
