Kryetari i PD, Lulzim Basha dha mesazhin e tij live në Facebook nga Lajpcig. Basha po merr pjesë nën kongresin e CDU-së.
Mes të tjerash kreu i demokratëve është shprehur se do të kthehet me zemrën plot sa i përket planit për ta nxjerrë Shqipërinë nga kriza.
“Kam kërkuar vazhdimin e mbështetjes nga përfaqësuesit më të lartë në Berlin por edhe në Bruksel.
Dua të ndaj me ju edhe një lajm tjetër më të mirë, gjatë ditës së djeshme por edhe të sotme në fokus ka qenë plani ekonomik i PD që siç e mbani mend dhe siç e dini është hartuar me ndihmën e ekspertëve më të mirë të kristian-demokratëve gjermanë. Ne vazhdojmë bashkëpunim me ta sa i përket investimeve gjermane në fushën e teknologjisë. Oferta jonë është që edhe Shqipëria të përfitojë vende pune në sektorin e inovacionit me paga të mira për rininë në veçanti. Jam shumë optimist nga kontaktet këtu në Lajpcig dhe mund të them me siguri të madhe se do kthehem sot me zemrën plot pror besoj dhe duart plot sa i përket planit për ta nxjerrë Shqipërinë nga kriza. Ju përshëndes dhe së shpejti në Tiranë”, tha Basha.
