Trajnerë si Klopp, Guardiola dhe Mourinho kanë thurur elozhe për të, teksa Barcelona shpreson ta rikthejë sërish në ekip. Flasim pëe Adama Traore, sulmuesin e djathtë të Wolves. 24-vjeçari me origjinë nga Mali po i surprizon të gjithë me paraqitjet e tij. Forcë fizike, teknikë e mirë dhe një “raketë” në krah.
Traore është rritur në moshat e ekipit katalanas dhe Daily Mail raporton se lojtari është një nga objektivat e Barcelonës për merkaton e verës. Kampionët e Spanjës besojnë se do e bindin lojtarin të rikthehet sërish në “Camp Nou”.
Traore numëron dy ndeshje aktivizim me Spanjën U21, por dëshira e tij e madhe quhet Euro 2020. Lojtari ofensiv shpreson të marrë një ftesë nga Luis Enrique për në Europian, të njëjtën gjë që dëshiron edhe Wolves. Grumbullimi i tij me kombëtaren spanjolle do të rrisë vlerën e lojtarit dhe “Ujqërit” do të fitonin shumë më tepër nga shitja e tij te Barcelona. /abcnews.al
