Arturo Vidal shënoi një nga golat e Barcelonës në derbin 2-2 dhe futja e tij në lojë ndryshoi totalisht ritmin e kampionëve të Spanjës. Inter vazhdon të jetë i interesuar për shërbimet e mesfushorit, por klubi katalanas ka vendosur bllokadë.
Sport, gazetë që është afër klubit të njohur, citon se Barcelona ia ka bërë të qartë kilenit dëshirën për ta mbajtur në ekip. Ai vlerësohet shumë brenda skuadrës dhe eksperienca e tij është e nevojshme.
Agjenti i 32-vjeçarit do të udhëtojë sot drejt Italisë për të bërë tentativën e fundit për kalimin e lojtarit tek Interi sipas raportimeve të Calciomercato. Zikaltrit nuk ofrojnë më shumë se 12-13 milionë euro, shumë e pamjaftueshme për Barcelonën.
Fernando Felicevich do të ketë një takim me drejtuesit italianë për të zhbllokuar operacionin, përndryshe Interit i duhet të gjejë një tjetër mesfushor për të kënaqur Antonio Conten. /abcnews.al
