Diario Sport raporton se Barcelona dhe Man City kanë arritur një “marrëveshje në parim” për Joao Cancelo.
Katalanasit do të nënshkruajnë me 29-vjeçarin në formë huazimi me opsion blerjeje. Opsioni i blerjes nuk është i detyrueshëm, por do të aktivizohet në kushte të caktuara.
Katalanasit do të duhet të paguajnë “mbi 30 milionë euro” që mbrojtësi i djathtë ta nënshkruajë një marrëveshje të përhershme nëse ai luan 70% ose më shumë ndeshje për Barçën ose nëse katalanasit arrijnë në raundin e 16-të të Ligës së Kampionëve.
Kushtet personale nuk pritet të jenë problem duke marrë parasysh dëshirën e Cancelo për t’iu bashkuar Barcelonës. Marrëveshja mes Barçës dhe City pritet të përfundojë në orët e ardhshme. /G.D abcnews.al/
