Barbra Streisand do të bënte gjithçka për të ruajtur thesarin e saj. Ky nuk është tjetër veçse zëri i saj hyjnor. Ajo nuk ka dashur kurrë që vokalin e saj ta lidh me pamjen e jashtme.
Ylli 81-vjeçar, në një fragment nga kujtimet e saj, të publikuar nga People, pranon se i është thënë vazhdimisht se duhet të bëjë një ndërhyrje në hundë dhe të mbulojë dhëmbët për të qenë më e suksesshme në showbiz.
“Mendimi im ishte, mirë, a nuk mjafton talenti im? Një operacion i hundës do të dëmtonte dhe do të kushtonte shtrenjtë”, shkruan ajo. “Përveç kësaj, si mund t’i besoj dikujt që të bëjë pikërisht atë që doja dhe asgjë më shumë?”
Streisand shkruan se i ka pëlqyer gjithmonë gunga e vogël në hundë. Në fakt, artistja tha se nuk kishte bërë kurrë asnjë operacion, sepse kishte frikë se do të ndikonte në zërin e saj legjendar.
Barbra Streisand, në një pasazh të dytë, shpreh keqardhjen e saj duke shkruar se ndjente se hunda e saj shpesh tërhiqte më shumë vëmendje nga media sesa ajo. Në fakt, ajo e përmendi në një kopertinë të revistës Time në vitin 1964, në të cilën e konsideroi atë “të shenjtë”./abcnews.al
