Bayern Munchen fitoi 1-2 mbrëmjen e kaluar në Moskë kundër Lokomotivës vendase. Golat e Leon Goretzka dhe Joshua Kimmich i dhuruan fitoren e dytë radhazi në Champions kampionëve në fuqi, teksa kjo ishte një sfidë e veçantë për Thomas Muller.
Sulmuesi bavarez e nisi si titullar dhe regjistroi ndeshjen e 545-të zyrtare me rekordmenët gjermanë, duke barazuar një legjendë si Klaus Augenthaler (kampion bote me Gjermaninë në vitin 1990). Vetëm pesë lojtarë kanë veshur fanellën e Bayernit më shumë se 31-vjeçari.
545 – Thomas Müller plays his 545th competitive match for @FCBayernEN in @ChampionsLeague tonight, drawing level with Klaus Augenthaler. Only 2 outfield players made more competitive matches for Bayern since BL promotion in 1965 (Schwarzenbeck 547, Gerd Müller 565). Legend. pic.twitter.com/RBhPklwhIE
— OptaFranz (@OptaFranz) October 27, 2020
Ata janë Georg Schwarzenbeck (554), Franz Beckenbauer (584), Gerd Muller (605), Oliver Kahn (632) dhe Sepp Maier (699). Nëse marrim parasysh vetëm ndeshjet e luajtura prej vitit 1965 (kohë kur Bayerni u ngjit në Bundesligë), Muller qëndron në vend të tretë.
Vetëm Schwarzenbeck (547) dhe Gerd Muller (565) numërojnë më shumë sfida se sulmuesi i ekipit të Hans-Dieter Flick, i cili ka edhe disa vite karrierë përpara dhe do të tentojë t’i përmirësojë sa më shumë shifrat e tij me skuadrën e zemrës. /abcnews.al
