Një qytetar nga Tropoja, i cili ishte shpërngulur prej disa vitesh në Tiranë dhe jetonte pranë zonës së “Astirit”, ka pranuar që dy banesat e tij pa leje ndërtimi të shemben.
Personi që kishte këto dy banesa të palegalizuara ka qenë i pranishëm gjatë momentit të prishjes së tyre, ndërsa bëri thirrje se tashmë ka ardhur koha që edhe banorët e tjerë të mos bëhen pengesë e zhvillimit të këtij segmenti të Unazës dhe të gjithë Tiranës.
Ukë Çelkolaj ka deklaruar për mediat se i kishte dhënë fjalën kryebashkiakut të Tiranës Veliaj se do pranonte shembjen e ndërtesave si dhe akomodimin në banesat sociale që ofron Bashkia në mënyrë që të kontribuojë për zhvillimin e mëtejshëm të kryeqytetit./abcnews.al
