Investimet e huaja kanë pasur një ecuri mjaft pozitive gjatë vitit që lamë pas. Nëse i referohemi statistikave zyrtare të Bankës së Shqipërisë rezulton se gjatë vitit që lamë pas në total janë regjistruar 1.37 miliardë euro investime. Kjo shifër tregon se tashmë është tejkaluar edhe ngërçi i krijuar gjatë periudhës së pandemisë .
Nëse bëjmë një krahasim me një vit më parë konstatohet një rritje me gati 33 %. Investimet e huaja direkte vlerësohen se arrijnë në nivelin 388 milionë euro ose rreth 28% më të larta në terma vjetorë.
Ndërkohë që sipas shteteve Holanda mban vendin e parë përsë i përket investimeve të huaja. Gjatë vitit 2022 ky shtet ka regjistruar një vlerë prej 219 milionë eurosh investime në ekonominë shqiptare.
Holanda preferohet për regjistrimi të kompanive pasi ofron kushte të favorshme duke shmangur tatimin e dyfishtë
Më pas renditet Italia .Gjatë vitit që lamë pas nga ky shtet në Shqipëri është investuar rreth 136 milionë euro dhe janë të përqendruara sidomos në aktivitetet e shërbimeve. Ndërkohë Gjermania pozicionohet në vend të tretë.
Investimet nga vendet e rajonit mbeten në nivele minimale në Shqipëri. Kosova regjistron një fluks prej 63 milion eurosh ndërkohë që Maqedonia e Veriut, Greqia si dhe Serbia pozicionohen në nivele pothuajse minimale.
Gjatë tremujorit të katërt 2022, flukset valutore hyrëse në formën e investimeve të huaja direkte ishin të përqendruara kryesisht në sektorin e hidrokarbureve dhe ndërmjetësimi financiar në masën 17%, si dhe në sektorin dhe të komunikacionit në nivelin 11%./abcnews.al
